Kum 14 liam ta khan ka nupui a nih pawh ka ring chiah bik lo. Kan B.Com zir lai, 1996 ah kan inhre tan a, 2000 kum ah Pune atang M.Com kan zir zo dun leh a, kan inhmu ta lo vang vang. Kum 5 chuang zan inhmu lo a kan awm hnu ah kan innei a, kan inneih hnu ah kum 2 dawn kan awm hrang leh. Tunah kum 2 chuang hret kan lo awm dun leh ta. Hun hi a kal chak teh e.
Thlalak hlui kan scan chawp leh nawk nawk a, fiah lem lo mahse kan tar chhuak ve re re teh ang.
1999 kum ni ta in ka hria.. Sinhagad ah ( Battle of Sinhagad, 1670 na hmun ngei kha ) (more…)
Thil dang tawi te kan zep lawk. Kan office hi kan In atrang chuan 36.98 miles(59.514 km) vel lai a ni ve a, minute 45- 50 vel ka tlan thrin. Kawng lak ah motor lo phar hi ka hmu ve leh zeuh thrin, Nimin tlai khan nu pakhat in a lo phar a, ka hma a mi ten an tlan pel zut zut a, kei pawh in ka tlan pel ve leh ta. Mak deuh mai in tukin ka kal lam ah pa pakhat in a lo phar leh, ka tlan pel leh ving ving mai. (more…)
Part-I kan ti ve leh ngawt a.. a part dang a lo chhuak leh angem va hriat suh! Kan tlangval lai chuan tih lem ah.. khawnvartui pawh a rawn pawl tran chho chauh, cable TV kan nei vanga kan intihtheih hun lai a la ni! (1991-1995)
Sunday zing khawvar hma hret ah ruah a sur nghek a, Ni a rawn chhuah meuh chuan a sur bang hmiah tawh! khua a thiang kuk mai a, a sunday zing ngawih ngawih bik hian a hriat thrin. Sa hmeh Ni kan tih thrin kha a la ni zui, vawksa rep leh antram chhum pawlh rim a nam chak chak a, he thil rimchhe lo zet hian ni lum hnungpuak ar ar chunga vengchhung chanchinbu chiar a ti nuam lehzual thrin a nih kha. Pu Jim Reeves-an ‘Take my Hand‘ tih hla in min lo awi hlurh hlurh mai bawk si, a nuam a ni… chhungkaw PA ber in, ‘tukin zing chu kan tlai tlat, chhung inkhawm nei lo mai ang u‘ an tih hlauh trum phei hi chuan fuh chaih chaih thrin a ni. (more…)
He In hlui zet ka hmuh apiang hian rilru ah ‘This Old House‘ tih hla hi a lo lang tlat thrin…
This old house once knew my children
This old house once knew my wife
This old house was home and shelter as we fought the storms of life
This old house once rang with laughter
This old house heard many shouts
Now she trembles in the darkness when the lightnin’ walks about…
a hla thu chu hetah. .. tun trum chu kan dak duah teh ang.. topic pel rawk thleng in aw niang! (more…)
Recent Comments