Hmani khan driver angreng deuh in Greensboro thleng ka kal ve a. Pic. han show leh zuai zuai mai teh ang. Greensboro hi kan khua ai chuan LIAN tak a ni, 4+ hrs drive lai a la ni nghe nghe. Highway ah chuan fimkhur a ngai khawp mai, viing viinggg a ni vek mai a. 60 mph(96.6 Kmph) aia muang deuh a tlan chuan, traffic flow kan tibuai lek lek chu a ni der zel mai. Kawng an nei tha a ni, tha tak a ni, ‘Rulngan Pa ang zar’ tih te pawh a tak a hmu ve ta ah ka inngai hial.
Highway hi kaw pawn/sir deuh ah a awm tlangpui a. Highway atanga Exit fuh loh chu a buaithlak kher mai. Kawng an lo siam thar vel bawk nen, kan Exit na tur kha Exit no. thar an lo pe a, a chung ah te tak te in Old Exit 316 tih an lo ziak a, kan tlan pel fia fia mai ah, 300 ah han exit chiah chu kan map ken nen a inmil duh lo kher mai. Tawng theih tawk tawk chhung chu bo tum bik lo.
Ramada Hotel an tih ah chuan kan thleng ve a, zing ni chhuak pawh a mawi viau.. kawng bo leh hisap ran in zing pawh thawh tlai chi a nilo.
Highway bul deuh ah kan thleng bawk a, khaw te tak te, reh reih rawih atanga lo kal tan chuan, motor thawm a na hma hle.
Bo kan tum ang em em chuan kan bo leh lo, Kan hotel ah khan Wireless Internet connect mai tur a lo awm hlauh a, mapquest.com ka hmangtangkai ta hlauh. A hun tak aia min. 2 a hma ah kan thleng. Khua a duai deuh.
First Presbyterian Church, Greensboro. Driver chu driver, mi meeting na ah lo awm ve reng kha ka duh bik silo. Car ah ka thu reng a, helai hnai vel a Wireless Internet vak vel connect ruk tum in rei ngial ka bei a, network chu panga(5) lai ka hmu a, pakhat chiah ka connect thei a, chu pawh internet a lo awm lo zui. Bo leh huam in, khua ka fang kual nek, kei ni khua ang khaw te ah chuan motor horn hi tuman hmet ngai hek lo, khaw lian ah chuan, horn an rawn hmeh rik chuan kan phu zuk tawh mai. Vai ram ah an han hmeh rik nasat bian bian thin nen khan, eng ah mah khan kan ngai ngai lo a. An hmeh rik vak vak ngai loh na ah chuan kan phu zuk leh lawi si. (Vai ho ang em em a horn hmeh rik nasat na hi khawi ah nge a awm ve ang le, ngai ah an nei ni mai hian ka hre thin)
Driver tan chuan thla lak na vak hun ka nei thei tlat lo. Tlai dar 4:30 ah kan kaw lam pan a haw tur in kan chhuak a. Rin ang ngawt chuan, Highway va pawh phei chu a lo awlai leh tawp lo mai. Kan tlan kan tlan kual a, darkar khat dawn hnu ah highway kan pawh ve thei hram(direction zawt hian dawr leh gas station pariat[8] vel lai ka lut hman, a sawi/kawhhmuh tu tan chuan a chiang uarh ngei anga, a lo dawngsawngtu, vawikhat kal na lehnghal tan chuan fiah uarh mahse rei a daih duh i khaw lo mai!). Darkar 2 zet kan tlan hnu ah ka nupui fing tak mai chuan, ‘Kawng kan bo chiang, Maryland kawng a nih hi ‘ a rawn ti zawi sep mai! huh, kan va han bo thui teh reng, 100Kmph aia muang miah lo a tlan par par a, darkar 2 tlan chu tui deuh a sin. Henderson khua ah kan lo hawi paw heu tawh a lo nia. A ngai te bawk in Gas station ah kan lut leh a, Map kan lei te te a, kan han in kawh siak teh reng a, tah hian kan awm a, let leh ang a tia, en ringawt pawh khan a peihawm loh hluah hluah. Kei in kawng dah ah risk ang(risk huai ve riau) ti ve trung tawh mai bawk. Inter-State Highway ah let tawh lo hian, US Highway no. 1 ah hian tlan thla ila, Raleigh khua hi thleng tha phawt ang…triangle ang deuh hian kan awm tawh, a side pahnih kal leh ai chuan side pakhat ah hian thlan thla ang.. kan ti ve thuai a. US Highway no. 1 va pawh na tur pawh chu kan zawt chawp leh ta mai, leh pek a!
Rei fe hnu ah, Raleigh khua kan thleng, Map a en ang ngawt a ni lo, engtin nge Highway 70 kan pawh leh tak ang, highway tam tak in he khua hi a rawn pawh bawk si, a khaw chhung ah chuan kan tlan kan tlan kual leh ta mai a. Vawi 6 zet chu- ‘Hui ham, zawt leh tawh mai ang’ kan ti leh hman in ka hria. A tawp a tawp ah chuan, 70 chu kan zuk pawh, titau deuh bur tawh chung a tum tak mai kawng han pawh THUT chu a nuam letling viau. Ti hi chuan kaw te kawng kan pawh ta bawk a, bo leh tawh ngai reng reng lo tur khalh in ka khalh tha ta. Ka Chewing Gum thrial pawh a lo thum tawh reng reng lo tih ka hrechhuahk chiah chuan, Goldsboro kan lo thleng leh der tawh mai a. Khaw lian vak bik lo tak ni a ka hriat ah chuan kan bo leh titih der tawh hi a lo nia, kawi hnih kawi thum chu ka RISK leh hman tawh tih ah 70 chu ka zawh fuh leh HLAUH(naupan laia sunde sikul kai tha deuh hi chu ti tlat hi kan nia!), a lawmna ni pahfawm in, Gas station ah kan ding leh a, vawkvun kanpuah te ka ei ta vel, ..e.., ka zung tuarh bawk tak e. Tichuan, kan tlan chhunzawm leh ta, kan khaw thlen hma ah chuan Kinston khua chiah a awm tawh, kan bo leh ange? …. A-ke-reeee kan bo tawh hauh lo tah chuan, khawi maw Nu-i chewing gum kha min lo pe leh teh, kan khua thleng hei chu ka thrial tawh ang. Ka type peih tawh lo, a tawi zawng in sawi ang… tluang takin kan thleng ta a lom. A tawp ta.
23 Responses
Stay in touch with the conversation, subscribe to the
RSS feed for comments on this post.
Awi thianpa !!! ka va han nui nasa tehreng em, keimah ang a bo hi chu an tam lo ang ka lo ti thin a, in lo awm ve hlauh chu a lawmawm e. Navigator system in ngai ve a nih kha, Magellan company a tha khop mai.
February 12, 2008 at 4:17 am