Tun kum huan [in-the-making] ve thung.. nikum lam ai chuan tlem in kan ti nasa ta, enge kan an zel ang ka hre lo. Huan mawng lam a hnim buk kan sam fai vek a, hrui hling a tam em em zui, hun a duh rei khawp, chawlhkar 4 dawn lai kan buaipui [Sat. leh Sunday bak hman hek lo]
Abigail pawh a motor leh a bawm nen.. a thil neih hlu tam tak nen a rawn in chhawp chhuak hnawk ve hle mai.
Hnim buk sam fai hlim a nia, thing zung leh hrui hling zung a tam em em.. kut a thlawh fai mai a tawk lo, Kan Pu Proudfoot-a bawk kan va rawn leh a, leilehna khawl(tiller a ti emawni) a neih thu a sawi a, hawh sak a phal der lo, keimah in ka rawn tih sak ang che u, he khawi hi i tihchhiat palh chuan a thra lo, ka ta a nia, keimah in ka tihchhiat chuan a pawi lo.. ti hmak mai… a han in nawr kual ve lauh lauh a.
Pi Proudfoot-i pawh a awm hle hle thei lo, eng eng emaw tih tur a hmu ve thei viau. An pa taima lutuk hna thawk vak mai thrin chuan a rilru a ti hah thei hle a ni awm e. Kum 75 chuang pawh an la chak thra khawp mai. A tawp lam ah erawh chuan a khawl ui tak mai chu min han operate ti ve ta nge nge a.
Dula te veng(durtlang) bawng ek han lak mai tur awm ve hek lo. Kan thrianpa Carlos-a(sangha leh chakai min pe thrin tu kha), sipai bang, vietnam/korean war vel ah pawh lo han kap ve pap pap tawh khan leithra(compose) a lak theih avangin, Marine hmunpui pakhat Camp Lejeune Base ah kan han kal dun vang vang a..leithra free chu kan nei ve leh mai bawk a.
Nipui Ni sa hi a sa ve thei rem rem viau, nikum a ka thlai thrat loh na chhan pawh a ni pakhatin ka hria.. tun kum chu, Greenhouse ka duh viau na in, sum neih in a tlin tlat lo. Sunshade ang hi tih/siam ka rel ta zawk a, chen na ngai loh ram ah chuan engim mai hi zawn chawp vek a ngai a, a buaithlak duh khawp mai. Thing te lah chu a duap hlom teh reng nen, a to viau vek mai bawk si.
Nikum lam huan pawh tlem in ka zauh a, thlai theh triah nan ka la hmang mai mai phawt..
Sava leh Thehlei hi an tam em em mai a, mai chi leh changkha chi te an lo hai chhuak a, an lo ei thul, pot ah a tren chu kan kui leh hnuhnawh a, nimin piah khan pot dang 10 vel ka tih belh leh bawk.
Choka lam hnaih ah, eirawng bawl pah a han ban mai theih tur in zau vak lo chu kan ti leh hram pek a. Kut hna thawh tran loh deuh chuan rin ai in chauh a na in kan lo hah hma daih mai. Mahse engmah thawk lo a, en ringawt chuan huan tlai in ei a tling thei tlat silo. Kan nu pangpar huan lam pawh ka puih loh chuan a puitlin dawn in ka hre lo a.. kan buaipui ve leh bawk a.. remchan leh kan la post ang chu.. ei theih mang silo.. ka tui vak lo e a!
27 Responses
Stay in touch with the conversation, subscribe to the
RSS feed for comments on this post.
farmer tak hi chu aw… bungrua chu a nih chu i problem ber… thang kam tawp rawh
April 2, 2009 at 10:56 pm