29
May
Written by Zothan.
Posted in: Abigail
Memorial Day nilo mahse ka hna kal loh Ni a ni hrim hrim bawk a, downtown lam ah pipu uai tum in kan va chhuak dun a. Mihring an lo tam angreng zek mai, an lo zai ri dup dup a. Pepsi ho in engemawni an lo ti chu ni in, ‘pepsi lo chhuah na hmun kan ni a, a siamchhuak hmasa ber tu chu..‘ an lo tih lauh lauh lai in kan thleng phei ve. Abi lah chu music rem in lam uih uih nghal mai bawk a.
An hla sak lah chu nalh lo thei viau lehnghal.
Pepsi Can chhung atrang chuan a duh apiang tan free in vawt thra tawk mai an lo sem zel a, ka va la ve ngei a, t-shirt free erawh ka chang ve hman ta lo.
Kan kal zel a, park vel chu pepsi ballon in an lo chei a, Abi lah chuan a ngen nghal tring tring mai bawk.
A bul lawk ah “In Loving Memory Of Tu Pu Nge Mawni” chu fiah tha zet in a lo awm a, tunge a nih ka hre mai lo bawk a, dula lo zin huna a trah atan ka khek sak ta mai.
Kan about-turn mawp a.. lui tui lam kan pan phei a, hmani ah beach balu lei a rap ngam lo tlat mai kha ka la na deuh bawk a, balu lei rah training turin kan phei dun a.. rei vak lo ah kan pass chhuak nghal!! [naute bight hi a va ni tak!- a harsa lo bawk a]
A nu in chaw ei mai theih a ni tawh tih min rawn hrilh a, kan haw’ng mai ang chu tih lai in, duh leh ta tlat pek lo.. rei ngial kan thu dun leh.
19 Responses
Stay in touch with the conversation, subscribe to the
RSS feed for comments on this post.
nawm hmel ve le, chawlh man a awm bik dawn a nih kha, he lamah chuan han chawlh ve pawh hian sports complex field leh chite lui bakah kalna tur awm lo :p
May 29, 2009 at 3:31 am