‘I saw the sign and it opened up my eyes. I saw the sign‘ tih hla kha in hria em, Ace Of Base sak kha? Kha mi hla lam kha ka post dawn pit leu. Ka office kal kawng thingtlang khaw kar kawng sir vel a sign eng eng emaw ka hmuh hi post ve ringawt teh ang.
Mizoram a chhungte accident-na bul a ‘In loving memory of..’ kan tih thrin ang kha a ni ve kher lo. Adopt a Highway program hi State hran hran in an kal pui a ni awm e, an kalpui dan pawh a inang vek lem lo. Kawng leh a sir vel tihfai hna kha school, pawl leh mimal ang te pawh a, chan chin nei a thenfai hna thawh thrin a ni, a chang chuan Jail tang ho in an lo tifai lai te pawh ka hmu leh zeuh thrin.
Chak tak mai a kan tlan par par lai in, khaw chhung kan luh dawn ah, speed tih hniam a ngaih dawn in, warning angreng hi an lo tar hmasa zel a, a zia phian. Helai atranga Feet 1000-na ah speed limit chu 35 a ni tawh ang tihna mai a nih khi. A chang chuan ‘Reduce speed ahead‘ tih chauh te pawh an tar bawk thrin.
Bridge ices before road.. ka lo thlir liam mai thrin a, ka ngaihtuah thut a, engtihna nge ni ang aw ka ti leh hnuhnawh mai mai a, ram vawt a awm ngai lo chuan a hriat loh theih dawn khawp. Lei(bridge) thlen hma hret ah hian an tar thrin, kawng ai in bridge hi khaw vawh lai in a khal(ice) hma zawk tihna mai a nia.. bridge hnuai leh chung ah thli vawt kal hian a ti Ice hma bik ni awm tak a ni.
Motor atrang hi chuan thil hi an paih mai mai lo khawp, mahse zial bung paih ching hi ka hmu ve leh zeuh thrin.
Vanceboro khua ah hian traffic light hmun khat ah chiah a awm a, mahse radar hmang a speed check na hi an nei ve teh tlat a.. kan khua ah hian an hmang miah lo thung!
Right lane a tawp dawn hnai tawh, i tlan tlang duh chuan lane i change a ngai tawh .. tihna ni mai ang chu..
Yield tih hi hetiang ah hian an lo hmang ve reng a, a hma in ka hre ngai miah lo. I left turn dawn in green light pawh ni se, i hma (opposite) lam atranga straight a rawn tlan te, kian/ken hmasak tur,, an lal zawk .. tihna ni mai ang chu.. hehee
Note: Motor tlan lai atrang a ka lak a ni hlom a, duh ang chuan a fiah lo deuh mai thei. A dang pawh a la awm a, mahse a sei teh duah tawh em mai.. sitawp ang.
9 Responses
Stay in touch with the conversation, subscribe to the
RSS feed for comments on this post.
Veilam ah Steering Wheel a awma mahse dinglamah vek khing signage te khi an awm leh si, va mak ve a ?? I windshield i hrufai tha hle bawk
July 16, 2009 at 10:58 am