Garden of 2010 – III – .: Zothana :.

06
July

Garden of 2010 – III

Written by Zothan. 28 comments Posted in: Garden of 2010, Home & .., Huan/Pangpar, Mouth stuff

Part-II atrang Part-III ah kai leh tawh ang… update rawh an ti sek a, nitin kan hmuh vang nge update ngai pawh in ka lo hre lo a.. mahse update tur chu a lo awm leh treuh tawh tho mai. Tun trum chu Hmarcha lam hi ti teh ang…

Red Bell Pepper, Capsicum kan tih ang chi tho kha a nih hmel. Rawng chi hranhran ka ching a.. a eng(yellow) hi a rah ve ta lo nge mawni le…

Hei hi a eng(yellow) chi a ni dawn emaw ka tia.. heti bak hian a eng thei lo a niang.. a lian thra ang reng viau thung.

Hot Banana Pepper an tia… mahse a hot hran lem hlei law.. lian vak lo in ka zai kua a.. a chhung ah artui ka thun a.. ka hem/ur hmin leh a.. a tui ve tho mai.

Cow Horn Pepper an tia.. a sei fu.. a thak ve deuh rouh.

Jalapeno ve thung.. a rah chang chu a thak thra ve thruk thruk khawp mai..

Serrano ve thung.. Jalapeno nen hian a inang khawp mai.. a sin deuh a, a te deuh a, a sei hret bawk… thak ve viau.

Mizo hmatchate a ang deuh ber… Tabasco Pepper an ti.. a thak vat a, a rim pawh a tui ve veng vawng khawp mai.

HETAH HIAN THAI HOT PEPPER KAN UPDATE ANG .. Update loh tak in… post hmasa a mi hi CLICK chhuak mai teh. Beisei ai in a thak lo!

HETAH HIAN CAYENE PEPPER KAN UPDATE ANG .. Update loh tak in… post hmasa a mi hi CLICK chhuak mai teh.

(ka lo click hmaih a niang)

Share ve mai mai duh em?

Comment using FB

28 Responses

Stay in touch with the conversation, subscribe to the RSS feed for comments on this post.

cobby cobster
Bon thei bik khop mai…
July 6, 2010 at 2:14 pm
Zothan
bon a ni a.. bon vak em ni..
July 6, 2010 at 2:16 pm
Mozart
Hmarcha hi chu Pumpui a thrat chuan chawei naah hian hmeh ngei ka duh..
July 6, 2010 at 2:58 pm
tualvungi
kan rawn zin hun chu ka chingdarh sak vek ang che
July 6, 2010 at 6:32 pm
ts-i
Hmarcha rigawt pawh in ngah e, eng tin hian time hi manage bik che maw
July 7, 2010 at 5:02 am
Zothan
TS.. chutin ka ngah em em a ni chuang lo.. kung hnih khat lek lek a lom ka neih..
nia time hi manage a har khawp mai.. sat leh sunday bak hi chuan zing lam ah huan tui ka pe hman lo a.. tlai lam ah.. chaw ei kham ah te ka pe a.. ka buai zual deuh chang chuan torch light nen a huan tui ka pek chang a tam mai… huan thlawh fai hi sat. leh sun. ah chiah ka hman bawk a.. a hnim deuh bem bum reng mai… Hun awl hman thrat..tih te pawh hi hun awl nei lo tan chuan hman thrat vak ngaihna pawh awm lo.
July 7, 2010 at 7:27 am
Zothan
vungte.. chingdarh lo e.. chuti vak in ka huan a zau lo.. tlem tlem threuh kan ching kual den den a lom..
July 7, 2010 at 7:41 am
virgochhas
thak lo zel ringawt te chu a…Tabasco pepper khi ka ei chak deuh ber…

hmarcha thak vak lo chhunga artui thun chu engtin maw? Capsicum ah hian ti ve ta i la a tihchi viau ang a…artui chawh kawi kha i leih lut tihna nge? han soi chiang deuh la
July 8, 2010 at 4:09 am
Zothan
Yes sir Pi Ramnghak,
A chung/chhip khawi lam emaw zawk zawk kha zai thla la… chuan a chhung kha han hawlh kaw deuh nawk nawk la.. i duh leh a lai a a chi awmna bawk kha paih dai hla.. a chhung ah .. artui i kan dawn a i chawh kawi ang khan..chawk la(i duh leh purun sen leh tomatoez sin deuh deuh chan kha chawhpawlh bawk la; chi al bawk tur; kei chuan black pepper tem ka telh bawk.) … chuan oven ah ur mai tur..
July 8, 2010 at 8:47 am
sekibuhchhuak
Avan thar tha set sawt hlawm em! Hmarcha-ah chuan Raja Chilli hi tui ka ti ta deuh ber mai.
July 9, 2010 at 2:46 am
padula
mizo hmarchate rawt thar han liah a rim nei vang2 hi tui ka ti ber mai.hmarchate chu a hnah hi kan bai thin asin,i ti chhin tawh em?….tuaiterek leh dawlzik bai a hmarchapui thlak tur i ngah hle mai.samtrawk ang deuh khi chu ka ei chak lo
July 11, 2010 at 7:59 pm
Zothan
hmarcha hnah bai maw.. ti chhin tawh e.. bawngsa rep nen kan bai a.. hmarchate tai kan thlak leh bawk a… thak tui duh a sin..
July 11, 2010 at 9:08 pm
BawihaNu
A va han tui hmel hlom ve, an hmeltha tlang hle mai. I artui thun ang ah khian minced meat/ hamburger meat, artui, chi, black pepper, purun sen, var rawtdip, oregana nen hmeh khawm pawh thun ila, a tui duh khop mai, a zawr tha thei si. I thawhah man chu I seng chho zel e.
July 11, 2010 at 10:15 pm
amuana
Tunlai ka lo leng lut khat deuh a, ilo bei leh nasa tawh hle mai…i thlai atan hian fertilizer i hmang em? A lei hi a tha ve hrim hrim zawk nge? a chi a zir niin i hria nge? a sik leh sa leh leilung mil tur chi hrim hrim i ching?
July 12, 2010 at 11:10 am
Zothan
nia.. amuana.. i WC en nasa lutuk hi in reh duak hlom a…
Ka huan mawng lam hi thlai chin ngai vak loh na a nia… a lei hi a thra ve deuh reng reng a… a thlai chi a zir a ni ve bawk ang chu.. a lei thrat loh deuh na, kan choka bul ah hi chuan bonemeal tleeem ka hmang… ka hmang lo tih theih a ni e.
Sik leh sa ah chuan .. nia, thlasik hi rilru ah dah reng a ngai a.. a kumhlun chi engmah a chin theih loh a.. phuihnam leh sapthei te pawh hi ka ti triak ve ziah a.. ei hman tak tak a ni ngai lem lo.. kumin pawh Behliang kung 6 vel ka nei a.. a ei hman ange maw!
July 12, 2010 at 11:51 am
Loneitupa
Thlasik a vawh viau chuan makeshift greenhouse ang chi te hi sa ve ta la, kumhlun chi thlai ho chu thlasik khawvat in a hmet hlum mawh deuh lo maw… te ka han ti ve mai mai a…
July 12, 2010 at 3:20 pm
Zothan
sak theih chu a chakawm khawp mai.. mahse engkim mai hi a to em em zel mai a.. sum neih ve deuh loh chuan… kan thar chhuah nen a in balansi lo palh ang.. lol
July 12, 2010 at 4:15 pm
virgochhas
oven kan nei lo tlatz….thanks tho tho
July 13, 2010 at 2:45 am
amuana'
thai thar thawhlawm i thawh tawh en?ila thawh loh chuan thawh la, i thawh tawh chuan i thawh ngei ani tih entirnan a pic/video rawn post leh nghal rawh.:…….mushroom lam te ti ve chhin la, ka room hlui tukverh ah iskut an rawn zam dam dam mai te kha a nuam asin.chengkek te pawh phun la maw le..limbu te pawh
July 13, 2010 at 8:49 pm
Zothan
dula (amuana’) i nick a i comment zak a nih pawh in.. nick dang phuahchawp mai la.. a dawih thlak zel zul em mai.
i IP ah a lang kuau bawk sia… i duh leh Padula tih pawh chuan rawn comment ta mai mai la pawi hlei nem.
Korea Republic IP ngat i hman lai hi chuan dula tih ngei khan rawn comment la ka ti e…
July 14, 2010 at 8:09 am
virgochhas
kan in man chiang thei bawk sia…lolzzz
July 14, 2010 at 10:44 am
padul
ha3…rawn post ta che maw le.post tur i neih miah loh kha, thlaithar thawhlawm ila thawh lo tih a chiang reng alawm
July 18, 2010 at 6:36 am
almostunreal
chil va ti put hlom ve

Hot Banana Pepper ang khi a sen chi ombok em? a sen chi chu bai i la, tui nek (bai polh neiin)…chuan bai hmel ti mawi hranpa bok

a hnaui ber khiiiiii
July 23, 2010 at 6:20 pm
Zothan
btei’n a tui tur a hre ber mai.. a hnuai ber, Tabasco khi a thak tui rem rem khawp mai. Thai Hot chu a tui vak lo.. a thak dai duk mai.
Update leh tum tawh ang u.
July 24, 2010 at 2:08 pm
chda
Hmarcha lam hi chu… umm…. ka ei ngai lem lo… Kan chhungkuaa mipa ho hian hmarcha erawh hi chu kan ngaina lem lo khop mai, kan dawih bik vang nge chu ka hre chuang lo..

Hmarcha ei ngai vak loh avangin, Boss hian min hau thrin, “Chaw in eikhawmnaah hmarcha te in ei awm thin sia, a buaithlak. A tha lo asin hmarcha ei ngai loh chu,” min tia. A dik khawp mai. Hmarcha chu ka la ngaina chuang lo, a theih hram chuan ei loh ka la duh tho mai. Ka in adjust thei tawh tho, Boss vangin….
September 27, 2010 at 10:32 am
Zothan
kei chu hmarcha telo a chaw ei hi har ka la ti em em reng.. a awmloh chuan kan buai viau ve tho a nia.
September 27, 2010 at 10:56 am
Mahruaii Hmar
I va taima ve… mahni thar ngei ei chu a hrisel bik ngei ang
April 10, 2012 at 10:39 am

Continuing the Discussion

Garden of 2010 – IV – .: Zothana :.
[...] hmasa, Garden of 2010 – III chhunzawm leh tawh ang aw.. huan thlai hnah leh a rah kan ei hnem leh ta malh malh tawh khawp mai. [...]
July 30, 201011:18 am