Nikum lam khan kan Nu chuan a hmu tawh a, zan ah huan lam ah a lut thla a, threnawm te ui a bauh vak vak a, ka zuk kal chuan, Sakhi pahnih ka hmu a, saw lam ah sawn an tlan tawh a lo tia.. ka hmu hman ta lo. ( ka awih sak vak lo nghe nghe )
Hmani lawk khan, ka kawlbahra hnah a kawlh vek a, sazupui ei emaw ka tia.. tun hnai ah Sakhi hniak ka hmu ka hmu leh ta, BlackBerry hnah no deuh hi an ei duh khawp mai.
A tir chuan Anthur hnah tlem an ei a, Bepui-thla-nei hnah tlem an ei bawk. Tun hnai ah hi chuan BlackBerry hnah hi an rawn kal chhan ber a nih hmel.. Internet ah pawh kan en kual a, Sakhi hian an lo ei duh viau a ni awm e.
Hei hi Anhling ang deuh lek lek a nia.. a par/rah en khi chuan tam tak chuan in hmuh tawh hnu a nih ka ring… hei pawh hi an ei ve nin nian mai.
Nimin piah tlai khan Sakhi lian zet pakhat in, Chealsea Road a cross lai chu ka hmu ngei mai a. [ref: a] Kan in piah deuh lawk hi thlamual, New Bern Memorial Cemetery[ref: b] a nia, chu mi piah lam chu Golf course a nia, in a tam vakloh vang a ni mai thei. Ka huan a rawn kal tur chuan Trend Road [ref: c] chauh hi an cross a ngai anga.. huan mawng zei zei ah an lo phei thei..
Kap pawp rawh.. in ti mai thei… lol.. Hunting season a ni lo..
Thang kam rawh.. in ti mai thei… Chu tur pawh in License neih a ngai..
A ruk in phil rawh.. in ti ni mai thei… nia, a ruk te chuan theih vek, mahse min man chuan, poisa chawi a ngai ang.
5 Responses
Stay in touch with the conversation, subscribe to the
RSS feed for comments on this post.
A thla la ta che…sakhi i ti ve ngawt a i rawn sawi dan vel ah hi chuan Sazuk anih duh zawk hmel mange aw.!!!
hunting season ah kap la, a sa i rep dul dawn ania.sakhi sarep hmin vek tawk,thuk phum a, han chhut sawk dawk a, tuilum pip pep nen a chiah a, hmarcha thak sep sep a han siam atui zia ihre ve dawn ania!
July 24, 2010 at 11:27 pm