Kan In han nei ve kha, chei thra hman manglo in Naute kan nei zui leh ta mai sia. Tih ngai, tih tak loh kan nei treuh mai a. Maryland lam a kan naute, hetiang kawnga mi thiam turu tak mai an awm tih kan hrechhuak leh thut a, kan han chahthla ta rup mai a nih chu!
Before– ti ve tawp ang, Upa Zonuna te lo zin khan, helai kitchen leh living room pindanna hi vawthriat la a thawveng hawk lon’g maw a tia. Nu ber in a lo pawmpui angreng nek a.
Phuailuai taka han vuak thriah pup pup chu ka thiam ve zawng tak a lo ni hlauh. Tih tak vek ah, kitchen chhuat hi i thlak law law ang kan tia, kan Nau te lah in chhuat siam an thiam tih kan hre leh ta zel a. A man te kan han chhut tir nawk nawk a, ceramic tile phah kan rel ta, mahse kan lei tak kha chu porcelain tile a ni, a danglamna vak pawh ka hre hauh lo thung. ( a hma a kan hman kha, mizoram a carpet kan tih ang vinyl carpet kha a nia, kan fridge nawr sawn na vel ah kan ti thler neng nung mai a.)
Rin ai in carpet hlui han lak thlak kha a lo har daih mai a, concrete chhuat ah an lo char bur mai a, han pawt hik ila, carpet layer mawng lam kha a bet tlat mai, hna a ti sawt lo hman trep a ni.
Tichuan, kan mithiam pahnih an che tran ta, reilo te ah, mi tih thrin dan te pawh an lo hmu ve fo tawh tih an hnathawh vel dan ah a lang nghal! An nupa an thawk dun ngun hle tih a hriat a, a tu nge thawk tam zawk sawi theih miahloh khawp in an in pui tawn thiam.
An thawk chak bian bian hle! An chaw ei theih zia pawh mak ti a sawi chi a nilo, hna thawh an chak tlat! Reilo te chhungin an phah zo vek!
After– ti tawh mai ang. Hun in min daih ngang silo, monday zing a an mahni hna thawk hman a haw an ngai leh ta si, thawh zawm tur min hnutchhiah ta treuh mai, tun thleng hian an la rawn sawi belh zet zet nia!
Nizan ah bang rawng hnawih tur khi, Primer kan hnawih zo ve leh hram a. Rawng hnawih kan la hmabak a nih chu.. (kitchen cabinet pawh khi, stain color hnawih tur tih an la rawn sawi belh cheuh bawk).. final tak tak chu peih leh kan la post ang chu.
28 Responses
Stay in touch with the conversation, subscribe to the
RSS feed for comments on this post.
awi ha.. a va han nawm hmel ve aw… rawn pem ve mai ka duh.. Vungteii hi nupuiah nei ila, a ziawm angem? hausak hnuah Getout leh thaks ta ila..
October 4, 2010 at 10:08 am