Ka template thar siam test pah nan, post thar kan siam mai mai ange. Kan ti nek nek a, kumtawp kan lo thleng leh ta der mai a. Thlasik a rawn invaivung meuh chuan Nipui thawm ai mah in a na ta emaw tih tur a ni. Zing lam Dai tlai hi a khal zel avang hian thlai hnah a han hmet hi an zawr nghal hnawp zel mai a ni. Ka thlai threnkhat puitling / ei tling hman talo an awm nual.
Phuihnam hi nikum lam ai chuan a lian hman a, a vai in hnah 8 vel chu ka sik ve hman.
Samtrawk ka lawh hmaih te pawh heti hi an ni.. bawkbawn hnah te pawh tiang tho hi.
Behliang.. hei hi ka nghakhlel khawp a.. kung 5 lai ka nei a, kung 2 an par hman a, mahse hei kan ei hman ta chuang lo!
Thingfanghma hi a triak duh khawp a, sachek velah a hnah hi ka thlak a, a ti kha sak a, a tihchi phian. Tian khawvawt in a hmet vuai a, a tukleh vel ah chuan an ro nghal mai zel.
Bepui-thla-nei hi mak khawp mai.. kumtluan in a rah lo.. ka thlai chin zingah a triak hmasa ber leh thrang duh ber an ni, mahse kum tawp ah pawh a la par eih lo.. tian a ro ral ta ve mai mai a nih tak hi. A hnah no kha Sakhi in tlem an ei. (a chi hi ka nu min pek a nia. a rah sei chi a ti)
Hmarcha pawh hian an haw phian…
Tuiso a han thlak zeuh ang mai hian an zawr hnep zel.
He hmarcha hi hmarcha te chi a nia..a var vei pep a.. a tui ve nek… zawr ve hnep tho.
Engkim hian tawp hun an nei, kum tir ah thra takin an rawn triak a, an lo thrang lian a, hnah, par leh rah te an chhuah hnu ah an tawp a lo ngai ta. Mihring te pawh kan dang chuang lo e, rei tak dam turin kan in dah a, mahse tawp hun kan nei tho mai.
18 Responses
Stay in touch with the conversation, subscribe to the
RSS feed for comments on this post.
Thlalak erawh a nalh hlawm khawp mai a.
Hmuh a nuam hlemai…i template thar chu….chuan i thlalak ho hi ava nalh hlawm em….mit ati tlai hle mai….
December 12, 2010 at 9:08 am