.: Zothana :.

Ka hre tawh!

Zothan — Wed, 01 Sep 2010 13:15:16 +0000

August 11th, 2008 a ka post tawh(a lo va rei leh tawh!) her lum leh zeuh ang, enge a nih ka hre lo, a hming te kan in phuah siak vel mai mai kha enge a nih ka hre tawh a nia! Kan la hria emaw… pic. hi han ti lang leh phawt ang.

A rah pawh chiang zawk in..

Hming a lo ngah khawp mai a, Pokeweed, aka ; poke, pokebush, pokeberry, pokeroot, polk salad, polk salat, polk sallet, inkberry or ombú. Maryland ka zin khan he ka thlalak lo hmu hi an awm a, kei ni chuan Pu Lalliana An kan ti mai; a ti ta in ka hria.. a hming sawi tak ka hre tawh lo.. Chalngura An .. a ti zawk emawni.. a mizo hming chu an lo phuah ve a ni awm e. Kan Lai unau te lo leng pawh in, a ei theih an ti ziah a, la ru la ru ka tia.. an ei ngam chiah chuanglo nge, vawikhat mah an ei atan an la lo!

Vawikhat chu ka chhum chhin dawn emawni ka tia, kan nu in hrawk a thak duh hmel em mai a lo ti sek a.. kan chhum ta lo. Engtin tin emawni Pokeweed tih hi google ah ka hmu a.. kan search zel a. wiki lam ah chiang zawk in a lo inziak a.. ka hriat duh ka hre ta!(internet hi chu thra mange)

Han chhiar tam deuh chuan.. ei loh tur tih ziak a tam zawk na in, Southern US cuisine ah chuan a lo lar leh viau(southern hian thil an ei hrawmhraw zawk in ka hria). A hnah no deuh an ei a, a rah a rawn sen tawh hnu ah chuan a hnah pawh hi ei tawh loh a him ber an ti.. hrechiang duh chuan Wiki link lam ah en chhunzawm mai a thra ang.

Poke Salat Festival te pawh a awm thrin anih hi… A hla te pawh a lo awm hial…

Garden of 2010 – V

Zothan — Fri, 20 Aug 2010 20:56:59 +0000

Tlem tal chu han update zeuh tum ila, Garden of 2010 – IV chhunzawm leh mai ang aw. Tunlai chu Huan lam update hunlai ni zel mai teh se. Kan update chak lo bawk sia, pic. dah tam deuh mai ang aw.

In duhzawng a ni ve emaw, Ankhapui ka nei nual, a triak duh nek, mahse a thrang chak lem lo khawp mai.

Maian pawh a thra nek, threnawmpa ram ah a zam lut a, hmani chu ka va en sak nak chuan, a huan chhung zawng zawng ah a lo zawm kawi duah tawh, a ni lah in a paih ngam lo e, a thlai a lo va bawh chhe nual mai.

Behlawi pawh a lian chi a nia, tuah chuan pic. a mi ai hian a lian in a buk fe tawh. A zamna ka siam hia a zo lo lam deuh a ni.

Anthur kan ngah phian, kumin kan Mizo Anthur chu a mak khawp, a hnah a hring vek a, a kuang hi a senduk cher thung!

Tichuan, heti hian kan han la ve lawih a, tuiso ah kan thlak sek a, Ziploc bag ah kan thun leh a, off-season a ei atan kan frozen mai zel.

Phuihnam, Sapthei leh Thingfanghma hi ka ti triak ve ziah a, mahse ei theih tak tak hma in thlasik in a hmethlum leh hman ziah, ka buaipui thra peih tawh lo… vawikhat ei chu awm ve thei mai ang chu maw.

Bawkbawn bial chi pawh a lo rah ve e..

In hma lam ah pawh Behlawi leh Changkha vel chu kan zam tir ve diah diah a.. Changkha pawh a lo inkhai ve nel nel mai.

Heti hian vawikhat ah kan in khai chhuak ve thei a.. tomato leh hmarcha vel chu kan lei ngai ta lo.

Tun trum chu Berul pawh kan ngah khawp mai.. mi kan pe ve nual ta.. kan ei seng lo chiang khawp… ka frozen ve ta nual bawk.

Garden of 2010 – IV

Zothan — Fri, 30 Jul 2010 16:18:46 +0000

Post hmasa, Garden of 2010 – III chhunzawm leh tawh ang aw.. huan thlai hnah leh a rah kan ei hnem leh ta malh malh tawh khawp mai. Tun trum chu, a rah lam chi bawk han post leh ila, a lehpek ah chuan, a hnah lam chi post kan tum dawn a nia.

Bazar a lei mai tur awm lo chi hi a hlu duh viau, nikum lam ah ka nei lo a, kumin chu hei ei tur kan nei ve ngei dawn e.. Samtrawk; samtrawk hian hming a lo ngah khawp mai, (Pumpkin Tree, Pumpkin Bush, Ornamental Eggplant, Hmong Eggplant (Laos and Vietnam ), Mock Tomato, Japanese Golden Eyes and Chinese Scarlet Eggplant, etc.) khawvel ah hian ei an tam lutuk lo a niang, hming a ngah em mai.

Hetiang lo chi, a mum deuh pel chi kha ka nei bawk a, pic. ka la rawn show tel leh ang.

Bawrhsaiabe hi Ladyfinger an ti ve lo a, Okra an ti thung (chawhmeh chi hran hran, a sap hming leh an koh thrin dan hi kan la chhui ho dawn a nia). Hei chu Bazar ah lei tur a awm ve deuh reng a, mahse a tlom lutuk lo khawp. A tihchi phian, kan lo(la) hnem tawh malh malh khawp mai.

Bawkbawn pawh hi Brinjal ti lo in, Eggplant an ti thung. Bai a han thlak zeuh zeuh tur chu a lo rah ve reng tho e. Bawkbawn rang rik reng, mu tam deuh ang chi kha Thai Eggplant an tia, ka ching ve a.. nakin ah ka lo show ang.

Tomato pawh kan nei ve tho bawk. A lian chi.. ( a hming ka hrechhuak thei leh ta lo pek! )

Cherry Tomato

Fanghma hi kan thar hnem ve khawp mai, thriante kan pe ve nual bawk. A rah tawp lam a ni ta.

Hei hi a hlu bawk, Berul; a chhum tawp hi tui ka ti em em.. lei mai tur awm miah lo. A zamna ka siam thra bawk a, a rah hnem dawn khawp e..

Snake Gourd an ti tih kan sawi tel leh zuai ange.

Ka Huan ah Sakhi a lut

Zothan — Sat, 24 Jul 2010 19:57:51 +0000

Nikum lam khan kan Nu chuan a hmu tawh a, zan ah huan lam ah a lut thla a, threnawm te ui a bauh vak vak a, ka zuk kal chuan, Sakhi pahnih ka hmu a, saw lam ah sawn an tlan tawh a lo tia.. ka hmu hman ta lo. ( ka awih sak vak lo nghe nghe )

Hmani lawk khan, ka kawlbahra hnah a kawlh vek a, sazupui ei emaw ka tia.. tun hnai ah Sakhi hniak ka hmu ka hmu leh ta, BlackBerry hnah no deuh hi an ei duh khawp mai.

A tir chuan Anthur hnah tlem an ei a, Bepui-thla-nei hnah tlem an ei bawk. Tun hnai ah hi chuan BlackBerry hnah hi an rawn kal chhan ber a nih hmel.. Internet ah pawh kan en kual a, Sakhi hian an lo ei duh viau a ni awm e.

Hei hi Anhling ang deuh lek lek a nia.. a par/rah en khi chuan tam tak chuan in hmuh tawh hnu a nih ka ring… hei pawh hi an ei ve nin nian mai.

Nimin piah tlai khan Sakhi lian zet pakhat in, Chealsea Road a cross lai chu ka hmu ngei mai a. [ref: a] Kan in piah deuh lawk hi thlamual, New Bern Memorial Cemetery[ref: b] a nia, chu mi piah lam chu Golf course a nia, in a tam vakloh vang a ni mai thei. Ka huan a rawn kal tur chuan Trend Road [ref: c] chauh hi an cross a ngai anga.. huan mawng zei zei ah an lo phei thei..

Kap pawp rawh.. in ti mai thei… lol.. Hunting season a ni lo..

Thang kam rawh.. in ti mai thei… Chu tur pawh in License neih a ngai..

A ruk in phil rawh.. in ti ni mai thei… nia, a ruk te chuan theih vek, mahse min man chuan, poisa chawi a ngai ang.

Garden of 2010 – III

Zothan — Tue, 06 Jul 2010 18:22:56 +0000

Part-II atrang Part-III ah kai leh tawh ang… update rawh an ti sek a, nitin kan hmuh vang nge update ngai pawh in ka lo hre lo a.. mahse update tur chu a lo awm leh treuh tawh tho mai. Tun trum chu Hmarcha lam hi ti teh ang…

Red Bell Pepper, Capsicum kan tih ang chi tho kha a nih hmel. Rawng chi hranhran ka ching a.. a eng(yellow) hi a rah ve ta lo nge mawni le…

Hei hi a eng(yellow) chi a ni dawn emaw ka tia.. heti bak hian a eng thei lo a niang.. a lian thra ang reng viau thung.

Hot Banana Pepper an tia… mahse a hot hran lem hlei law.. lian vak lo in ka zai kua a.. a chhung ah artui ka thun a.. ka hem/ur hmin leh a.. a tui ve tho mai.

Cow Horn Pepper an tia.. a sei fu.. a thak ve deuh rouh.

Jalapeno ve thung.. a rah chang chu a thak thra ve thruk thruk khawp mai..

Serrano ve thung.. Jalapeno nen hian a inang khawp mai.. a sin deuh a, a te deuh a, a sei hret bawk… thak ve viau.

Mizo hmatchate a ang deuh ber… Tabasco Pepper an ti.. a thak vat a, a rim pawh a tui ve veng vawng khawp mai.

HETAH HIAN THAI HOT PEPPER KAN UPDATE ANG .. Update loh tak in… post hmasa a mi hi CLICK chhuak mai teh. Beisei ai in a thak lo!

HETAH HIAN CAYENE PEPPER KAN UPDATE ANG .. Update loh tak in… post hmasa a mi hi CLICK chhuak mai teh.

(ka lo click hmaih a niang)

Nawm hmel!

Zothan — Fri, 25 Jun 2010 14:15:22 +0000

Kan khaw dai ah, a lui hming ka hre thei mai lo [edit- ka hre tawh Bachelor Creek a ni e, Creek hi lui kan ti ve thei tho ang chu maw]. Lei-a ka tlanpelh lai hian ka va hmu thrin a, tui ah mawi deuh hian a thla hi a lo lang a. A lui hi a lian lo bawk nen, tlan pah phei chuan chiang tak in ka hmu hman thrin lo, a hmun a va en hi ka chak thei khawp a, kum 2 zet ka tlan pelh hnu ah, nimin chu ka va click ta ngei ngei e (a lum hle). A awhawm tiu teu reuh khawp mai, mahse flood insurance a tam deuh mai thei. Pic lian en duh tan.. pic. ah click keuh.

Nawm ve hmel reih rawih tak a ni..

Bathlar atranga Sangha man mai mai a nuam phian dawn ….

Khaw chhung atranga hla silo.. fianrial nek si.. threnawm chu an nei hnai lo thung…. (kan threnawm te in ah pawh vawi khat mah kan la leng lut bik hlei nem)

Garden of 2010 – II

Zothan — Wed, 16 Jun 2010 14:41:17 +0000

Garden of 2010 – I chhunzawm leh zeuh ang, Behlawi kan tih hi, helam ah chuan Long Bean, Chinese Long Bean, YardLong Bean te an ti mai zel a, a chi hran hran a tam angreng viau. A triak duh phian a, an zam nghal mai lo a, a zamna han siam a, an han zam chiah hi chu an thrang zawt zawt ve leh thung, a hnah a lian thra a, bai pawh in a tui phian.

Kan mikhualpa click hi kan dah ange.. helai lo ah hian kan in hma lam ah a zamna ka siam tawh bawk.

Yard khat a sei chu a ni chiah dawn loh hmel. Yard khat hi feet 3 vel em ni kha…

Engpawh ni se, Abigail-i Nu ban chen dawn chu ani ve re re e.

Pali panga lek pawh, vawikhat hmeh chu tling ve mai zel.

Zucchini pawh a lian chak hle, kumin chu ka duh ai in fanghma ka lo ti triak tam deuh.. kan ei reng tawh mai..

Tiang hmarchapui hi CowHorn Pepper an ti.. a thak ve tho sia, a thra tak tak a ni. ( a lo ulh tliak leh nual hman he nau hian )

Garden of 2010 – I

Zothan — Fri, 04 Jun 2010 19:43:17 +0000

Part-I atrang han tran leh thruai zel ila ni mai. A vawikhatna atan tun kum huan post ila, kan update chho thei zel tur ah ngai ang.

Behlawi pawh kan ngah tur ah ngai ang.

A lo lang leh hmanhmawh, behlawi zamna ka siam ni hian, Aby nu ka chhawr ve thei khiah.

Fanghma pawh a par ve nasa khawp mai!

Maian sih thar pawh kan ei ve leh thei ta!

Maian tho, Zucchini hnah hi a lo tui khawp mai!

Bell Pepper, hmarcha hi chi hran hran ka ching nual.

Cayenne Pepper

Hmarcha te, Thai Hot Pepper; a thak chi…

Bawrhsaiabe ka lo phun inhnaih deuh hlom pek a..