He In hlui zet ka hmuh apiang hian rilru ah ‘This Old House‘ tih hla hi a lo lang tlat thrin…
This old house once knew my children
This old house once knew my wife
This old house was home and shelter as we fought the storms of life
This old house once rang with laughter
This old house heard many shouts
Now she trembles in the darkness when the lightnin’ walks about…
a hla thu chu hetah. .. tun trum chu kan dak duah teh ang.. topic pel rawk thleng in aw niang!
Kan In leh Office inkar; kan In atranga hla vak lo ah he In hlui zet hi a awm. Ni 420 zet chu ka lo tlan pel ve tawh, Ni chhuah hma deuh thla ah chuan zing Ni chhuak in mawi zet a a chhun trum a awm, a chang chuan thlasik phai chhum in a bawh pil vek thung. Office ban ah, Ni rei lai chuan, tlai lam ni tla turin a chhip rangva tuiek vek tawh, mawi tak mai a a chun chang a awm, fur laia thli leh ruahin a nuai tluk mai hlauhthawnawm lai pawh a awm tho. Ni reiloh lai chuan he In hmu miah lo a kan In ka thlen chang a tam ve tho. Sik leh sa, boruak inthlak tam tak a tawng ve a, a chim tawh ang ka tih chang a tam, hei a la ding ve reng chu a nia.. a neitu ten an thriat a nih ngawt loh chuan, tu ma tihbuai miah lohin, a tluk ni a la thleng tho ngei ang le.. keimah Abigail-i pa ang tho in a thrat lai leh chak lai ni a la pel dawn. ( i bang bik lo ) .. He khawvel ah hian kumhlun tur eng mah reng a awm lo.
He khawvel ah hian engvangin nge ka lo pian/g tiin i in ngaihtuah ve tawh thrin em? C. Vansanga’n Kan Damchhan tih hla a sak te kha i chik tawh ngai em, duh vang reng in kan piang silo.. a tih hlarh hlarh kha! Ka nu in sual in min hring a.. tih ringtu kan la ni leh zel bawk si, lo piang ve ta kher lo ila kan tan malsawmna a ni zawk thei mai angem? … lol.. hetiang zawng rilru pu a, indawm kun mi chu ni ila ka battery a down tawh ngawt ang.. Ting!… mahse ka ni hauh lo mai le. He khawvel ah hian mi vannei nih ka tum tlat! Tunge he khawvel a mi vannei chu? e le.. mahni chantawk a lungawi hi an ni mai lawm ni? Khristian inti si hian, ‘lawm na reng ka nei lo‘ ti ngawih ngawih nun hian kan nung a, chutiang chuan kan nung tih reng kan inhre silo… rilru ah; “Look at the birds. They don’t plant or harvest or store food in barns, for your heavenly Father feeds them. And aren’t you far more valuable to Him than they are?”
A hla phuahtu hi chu lo chhui ve mai la, C.Lalhmingmawii – Vuina tur a awm love.. tih hla kha han ngaithla teh…he hla hi a va ropui tak!.. “vui na tur reng hi a lo awm lo e” .. lawmna tur hi a lo tam a ni, a ri hian ka trawngtrai khat hle, min hnaih deuh ho chuan ka trawngtrai ngai lo emaw an ti hial, mahse ka tt ve ngai tlat.
Tawngtrai dan dik te hi kan hria em aw, kawrthler ah mi hmuh ngei turin ring tak takin kan au kher dawn em ni? Matthew 6:6(camping chhuak hlim ten kan uar deuh thrin em aw!!) .. kan trawngtrai hian dil-dil-dil-a leh dil-kur-dup-i kan ni ve chauh em? Engmah dil nei miahlo a, lawmthu sawi chauh a i trawngtrai chang a awm ve teh mial em? Kan dil kur nguai a, kan dil dan a dik silo. Bible kan chhiar a, kan sawi a, kan rik pui hlut a! mahse Bible in trawngtrai dan dik a tih chu kan hre threlh leh tlat si. Tranpui ngaite tranpui ….. a ti daih em ni kha!
Joseph Zaia hla sak.. Tawngtaina.. tih te kha tu phuah nge ka hre lo, ka hla duh ber a ni reng fo… play chhin teh!
Pathian hnena[h] trawngtraina chu, duhthusam mai mai a nilo,
Dil leh sawinawn fo pawh a nilo, thlarau a Amah pawlna a ni e.
Kan dil kan beisei tinreng hi, mahni hmasialna mai a ni,
A thilpek lawmpui silo hian, dil leh zawngin kan hmanhlel leh si thrin.
#Ka trawngtraina ah chuan hei hi,
Thuneihna leh lalna Isuan a chan hi,
A rorel tinrengah ka lawm ang,
A thu ang ni zel rawh se Amen.
Khawi hmun ah hian nge in awm le, dil rawh u pekin in awm ang,
In dil chu thleng tawh ah ngai ru,in dil hma pawhin A chhang tawh che u.
Mangan vang in ka trawngtrai lo, bat vang in lawmthu ka sawi lo,
Nunna Isua nen inpawl in, bang lo in ka trawngtrai reng a ni e.
*Sawi tum ve deuh nei khan ka inhria a.. ka sawi tum tak ka sawi ta em pawh ka hre ta lo e.. tih deuh duah hi chuan a buai zo vek zel! .. i duh lai lai lo input mai teh.
Nia tiraw… ka rin dan mai mai chan he In neitu te hi farmer an nih hmel, an in bulah hian field zau deuh mai a awm a, a in hi chei thra tawh lo mahse, a field hi chu uluk tak in an la enkawl a, engmah phei chu an ching ngai tawh lo na in, mower in an la thruai mam zat zat reng tho!
He i trawngtraina hla hi nangmah avangin nasa takin min cho va, ngaihtuahna min siamsak… ka lo ngaithla liam mai thrin… LK lama i post kha ka hre reng…
Thlalak chu a mawi kher mai, nakinah a aia lian ka la rawn dil ang che, khawih danglam ka chak tlat
@VC .. Joseph-a hla sak, Tawngtaina tih chu Zoramthanga phuah maw lo ni daih a.. a va ropui ve le.
Vuina tur a awmlo e.. tih khi chu, ka hriat sual loh chuan, Vanlalzauva em ni kha, a nupui pawh tihdamna nei ve kha, kha pa phuah kha a ni.
@Seki, The Shack pawh ka lo la hre ve hlei nem, ka lo google ang.
@Dotea.. nia he hla hi a ril viau a ni.
1. Home Sweet Home tih hla kha ka rilru ah a rawn lang zawk. A phuahtupa lah kha in leh lo nei miahlo a la ni zui.
2. Ka nalh ti tawp theih loh leh ka lipse chak thin, ka ngam si loh, Zirsangzela Hnamte “Luah Loh Run” ka hre chhuak daih thung. He lai te hi kan lo dah lawk.
Engvang kher hian nge run ram i chan,
Awmlaileng hrangin hel che’m ni le?
Nge, tuan tul vanga tlang dang belhna,
Chhung kim dar ang len i kham zawk em ni le?
Ka rilru a zawi te te a zai ri awm thin, ka kaihchhuah duhloh, ka up beh luih thin i rawn thawngharh zawk mai, dote-a te chu ni ila, ka naupai a che zawk mai kan ti ngei ngei ang.
Joseph a hlasak khi kan naupan laiin kan sa nasa ve thin. Radio ah kha chuan hmeichhe 1 in lungchim takin a sak thin kha ka hriatsual loh chuan V Lalduhsangi aniang.
A hla kal dan kan en khian Upa K Lalthanzama phuah a ni emaw kan ti dawn a, ka be pawp a a phuah a lo ni lo a. Z Lalthanzuala hla thluk dang nen pawh a inhnimhnai viau mai. Mahse ka nu leh pa te nen kan han sawiho hnuah R Vanlalzaua hla phuah ah kan keuh thlu. Remchangah tawngka ngeiin ka lo zawtfiah ange.
I thuziak tak khi chu ka ngaihdan ka sawi tamlo mai teh anga a sei tawh e mai
“Luah Loh Run” chu IN a phuahna a ni lo em ni kha..
Nia Joseph-a sak khi R. Vanlalzauva phuah tho a nih duh hmel ka ti.. Lalhmingmawii sak khi chu a ni ngei in ka hria a, a nupui neih dawn vel lai a a phuah a ni hial em kha aw..
R. Vanlalzauva hi a thusawi leh eng eng emaw lam ka hre hran lo na in, a hla phuah atrang hian ka ngaisang leh hnuhnawh riau mai bawk a.
Dulte.. ka thu ziah lam khi chu rawn chip vak suh.. a dang kan ziak leh ngam tawh lo palh ang, ziah leh tur ka rilru ah ka dah kiau tawh a nia..
A ngaihnawm reuh lutuk. I ziak thiam thin a, i ti tha peihlo mai mai a ni. Ni e, mihring hi kumhlun tur chu kan ni lo chiang. Engkim tawn apiang a nuam thei ang bera hman thiam te hi mi vannei nihna a niin ka hria.
Tawngtai kur duai duai hi kei pawh ka ti lem lo a, ka pa’n fiamthu ti tih deuha a sawi thin pakhat – “Nangni chu thil chi tin reng in dil kur ngei nguai a, Pathian pawhin a pe seng lo ang che u. Kei erawh chuan ka dil tam lo a, ka dil chhun pawh a ngai pawimawh thin” a ti huk huk thin… Lawmthu sawi mawlh mai hi hriat reng a har thin a ni e. Ka lawm e
Dina.. thanks… VC-i chuan Pu Zorama a ngaisang lutuk a, a lo phuah tir ngawt a niang chu.. a eng khaw le le, tu phuah pawh ni se, hla ropui tak a ni hrim2.
Ka Nu trawngtrai hi ka lo ning hman thrin a, a tir a uluk deuh a kun pawh hi a tawp lam ah chuan ka thinrim trun tawh mai zel a. “Chumi khami chu I hria a..” tih te hi a tam thei lutuk a, Pathian in a hriat, kei ni pawh in kan hriat kha a chham tel treeeuh a,’engemaw A hriat sa chu i han hrilh nawn chiam chiam zel le..’ ka tia .. ngawi mai mai teh, min ti ngawt. Tawng pawng chham sei te hi kan tum thrin emawni, trawngtrai rual a, a tawp khar kher tum te hi an tam riau hian ka hre mai a… engpawh ni se, mihring kan inang vek lo a.. mahni threuh ah a chiang ang chu.
Dina zarah…a lawmawm e. bazar kal remchanah a cassette zawrhnaah ka enchhin ang ka lo ti rilru a
A ri a tawngtai hian chham tur hi ka haihchham deuh tlat zel. Patling a pumpa “Zan inah Min veng la” tih leh “Aw Lalpa Chaw leh Thil Tinreng” tih chham rikngawt lah a ni ber tawh mang si lo a
I thil ziah chu nangmah lo hle mai..ti ve ngawt i la
Kei pawh, ka ti thrin, hmeichhe kum 24 mi ah hian kei aia tuar tam hi an awm dawn emawni le, tih chang ka nei thrin..mahse lawmna tur lam hi thlir tlat chuan lawmthu bawk sawi hi a ngai leh thin..Lungawi hi har tih chang ka ngah..mahse Pathian zarah ka pawngpaw tum em em tawp
Lungawi hi a har a … Lungawi thei a awm theihna tur pawh hi Pathian bawk hi han dil leh daih mai ila.. “Lalpa ka chunga thil lo thleng apiangah LAWM thei turin min pui rawh” tih fo tur hi a lo ni a.. mahni lawmtheihna atrang ngawt chuan tlin loh chang a tam thei viau awm e.
tun trum chu a dang daih mai a i post hi..a thra khop mai
chuan he in chu a uihom ang reng ma nge
February 7, 2010 at 2:39 am